A do jetë vendimtare Diaspora në 11 maj? Gjoni: Regjistrimi surprizë, 18 % e shqiptarëve do të votojnë
Nga Lili Saraçi Përditësimi i fundit 12 Mars 2025, 10:13
Teksa sot përfundon afati për partitë politike që janë regjistruar në zgjedhjet parlamentare të 11 majit të dorëzojnë në Komisionin Qendror të Zgjedhjeve, dilema mbetet tek roli i pjesëmarrjes në votime të shqiptarëve që jetojnë e punojnë jashtë vendit.
Por a do të jetë diaspora faktor përcaktues në fituesin e garës së 11 majit?
Kësaj pyetjeje iu përgjigj aktivistja shqiptare në Gjermani Eva Gjoni, e cila në një lidhje direkte nga Berlini theksoi se i gjithë procesi i regjistrimit ka shkuar shumë mirë.
“Ka qenë një numër konstant gjatë gjithë ditëve. Nuk ka pasur më pak se 3 mijë shtetas që janë paraqitur për regjistrim.
Ishte një proces shumë transparent nga KQZ-ja ku ti mund ta shikojë direkt se çfarë ndodhte.
Sido që të jetë është shumë surprizues numri i shqiptarëve të regjistruar. Kemi një numër prej 18 % të diasporës që kërkojnë të votojnë më 11 maj”, u shpreh Eva Gjoni.
NDIQNI INTERVISTËN E PLOTË ME AKTIVISTEN EVA GJONI
