Beti Njuma: Erion Veliaj palë me "talebanët" e trashëgimisë, financoi me 320 mijë euro shoqatën "Bash-Art" të Altin Bashës
Nga OraNews Përditësimi i fundit 6 Mars 2025, 20:34
Gazetarja dhe moderatorja e lajmve në "Ora News", Beti Njuma, ka reaguar në lidhje me një tjetër skandal të bërë publik nga pagesat e kryebashkiakut të arrestuar të Tiranës, Erion Veliaj për regjizorët dhe aktorët, të cilët në fillim ishin "kundër" prishjes së Teatrit Kombëtar dhe më pas u korruptuan me forma të ndryshme, duke dalë ‘pro’ prishjes së trashëgimisë kulturore shqiptare.
Në reagimin e saj në Facebook, Njuma thekson se pasi ia mbylli gojën për prishjen e Teatrit Kombëtar duke e bërë drejtor, Erion Veliaj financoi me 320 mijë euro (sa buxheti i 3 viteve të TK) shoqatën “Bash-Art” të Altin Bashës.
Reagimi i plotë i Beti Njumës:
Pasi ia mbylli gojën për prishjen e Teatrit Kombëtar duke e bërë drejtor, Erion Veliaj financoi me 320 mijë euro (sa buxheti i 3 viteve të TK) shoqatën “Bash-Art” të Altin Bashës!
Dhe pastaj habitemi si u ble kauza e Teatrit Kombëtar dhe se si aktorët e regjisorët u bënë palë me talebanët e trashëgimisë. Kush nuk blihet me para, blihet me SHUMË PARA!
