Belind Këlliçi ka një pyetje publike për Ulsi Manjën: Cilat ishin mesazhet që i përcolle Erion Veliajt në burg në emër të ...?
Nga OraNews Përditësimi i fundit 6 Mars 2025, 17:49
Drejtuesi politik i PD-së për Tiranën, Belind Këlliçi i është drejtuar ministrit të Drejtësisë, Ulsi Manja me një pyetje publike për takimin e tij me Erion Veliajn në qeli.
Këlliçi e ka pyetur se cilat janë mesazhet që i ka përcjellë Manja-Veliajt.
“Pyetje publike për Ulsi Manjën! E përgënjeshtron dot takimin në ambjentet e burgut të Durrësit me Erion Veliajn?! Cilat ishin mesazhet që i përcolle në emër të kreut të organizatës?!”, tha Këlliçi.
DENONCIMI I BERISHES DJE
Kryetari i Partisë Demokratike, Sali Berisha akuzoi dje ministrin e Drejtësisë, Ulsi Manja se ka takuar në ambientet e burgut të Durrësit, kryebashkiakun e arrestuar të Tiranës, Erion Veliaj.
Sipas një denoncimi të ardhur në adresë të Berishës, mësohet se ditën e diel, ministri Manja ka qënë në qelinë e Veliajt në Durrës dhe i ka krijuar çdo lehtësi përfshirë përdorimin e telefonit dhe takimet me administratën.
Postimi i plotë:
Uluziu takim sekret në burg me Lali Vjedhësin!
Ka urdhëruar ti lejohet telefoni, të mos i ndalohen takimet.
Lexon denoncimin e qytetarit dixhital
Doktor pershendetje. Jam nje punonjes i burgut te durresit aty ku strehoet Erion Veliaj prej dy javesh. Ta garantoj se ministri drejtesise Ulusi Manja e ka takuar diten e diele ne ambjentet e burgut veliajn dhe i ka krijuar cdo lehtesi brenda.
Perfshire perdorimin e celularit dhe takime me administraten e drejtimin e bashkise me telefon. Nderkohe komunikon non stop me avokatet e tij Beten dhe Arben Rakipin si dhe mediat e inceneratoreve perfshire Bollinon.
Lutem anonim se na heqin buken e femijeve
