Veliaj në qeli/ Rama: Makineria e Bashkisë Tiranë të mos fiket, deri kur çështja e kryetarit të marrë drejtim
Nga OraNews Përditësimi i fundit 20 Shkurt 2025, 17:26
Kryeministri Edi Rama thotë se çështja e kryebashkiakut të Tiranës, Erion Veliaj i takon drejtësisë. Në një takim me punonjësit e bashkisë në Sheshin ‘Skënderbej”, Rama u shpreh se vëmendja për Tiranën, derisa drejtësia të marrë vendimin për Veliajn.
“Pa asnjë turp thonë, ju jeni të gjithë njësoj. 7-8 llamba neoni, fiks, asnjë më shumë. Tirana dukej natën, si një varrezë qytet varresh murale. Nuk më takon mua, të them nëse lali Eri është i pafajshëm apo fajtor, pavarësisht se çfarë mendojmë ne këtu, barra ime është të qëndroj në detyrë, mbështes pavarësinë e organeve të drejtësisë. Makineria e Bashkisë Tiranë të mos fiket, të xhirojë 24 orë. Deri kur çështja e kryetarit të marrë drejtim, vëmendja ime për bashkinë do jetë e pandërprerë. Askush dhe asgjë, asnjë buf dhe asnjë specie e kënetës, nuk e mbulon dot me shoshën e llumit, diellin e transformimit kolosal të Tiranës sonë”, theksoi ai.
