Përmirësohet Papa Françesku/ Vatikani: Eshtë në gjendje të qëndrueshme
Nga OraNews Përditësimi i fundit 20 Shkurt 2025, 14:19
Papa Françesku po shërohet ndërsa gjendja e tij është e qëndrueshme bëri me dije Vatikani në një përditësim për trajtimin e kreut të Kishës Katolike që u shtrua në Spital për tu trajtuar me pmeunomi.
“Ati i shenjtë ka ngrënë mëngjesin jashtë shtratit pas një nate të qetë, tha zëdhënësi i Selisë së Shenjtë të enjten, duke shtuar se testet e tij të gjakut tregojnë "një përmirësim të lehtë, veçanërisht të shënuesve inflamatorë"
Papa 88-vjeçar, i cili kishte një rast akut të pneumonisë në vitin 2023, është i prirur ndaj infeksioneve të frymëmarrjes gjatë dimrit.
Lajmet janë pozitive, por mbetet e paqarte se për sa kohë Ai do të vazhdojë të qëndrojë në Spital ku është shtruar prej datës 14 shkurt pas një periudhe bronkiti.
Ai u diagnostikua me pneumoni në të dy mushkëritë, në krye të një infeksioni polimikrobial në traktin respirator.
Papa Françesku u vizitua aty të mërkurën nga kryeministrja italiane Giorgia Meloni, vizitori i tij i parë i njohur i nivelit të lartë.
Pas takimit 20-minutëshe, ajo raportoi se Papa ishte në humor të mirë dhe "bënte shaka si gjithmonë".
Pontifi po merr një kombinim të antibiotikëve dhe kortizonit për atë që mjekët gjithashtu e diagnostikuan si bronkit astmatik.
Para spitalit në vazhdimësi qëndrojë besimtarë që luten për shëndetin e atit të shënjte.
Shëndeti i Papës ka qenë në rënie prej disa kohësh. Për vite me radhë ai ka përdorur një shkop ose një karrocë për të lëvizur për shkak të dhimbjes së gjurit që i ka kufizuar lëvizshmërinë.
