Këmbësori humb jetën pasi u aksidentua nga automjeti në Fier
Nga OraNews Përditësimi i fundit 6 Shkurt 2025, 21:19
Një aksident me vdekje është regjistruar këtë të enjte në aksin rrugor Levan-Vlorë.
Automjeti me drejtues shtetasin L. S., 40 vjeç, ka përplasur për vdekje këmbësorin.
“Rreth orës 19:50, në aksin rrugor Levan-Vlorë, automjeti me drejtues shtetasin L. S., 40 vjeç, banues në Vlorë, ka përplasur një shtetas (këmbësor), i cili ka ndërruar jetë.
Grupi hetimor ndodhet në vendngjarje dhe po punon për identifikimin e personit që ka ndërruar jetë dhe sqarimin e plotë të rrethanave dhe shkakut të aksidentit”, thuhet në njoftim.
