Tronditet Shkodra! Ç'ka ndodhur në orët e para të mëngjesit në lagjen “Rus”? Policia në vendgjarje
Nga OraNews Përditësimi i fundit 31 Janar 2025, 08:03
Një sasi eksplozivi ka shpërthyer në një automjet në qytetin e Shkodrës.
Raportohet se ngjarja ka ndodhur në lagjen ‘Rus’ të këtij qyteti në orët e para të mëngjesit.
Nga raportimet e para mësohet se nuk ka persona të lënduar, por vetëm dëme materiale.
Forcat e policisë kanë mbërritur në vendngjarje duke nisur hetimet për zbardhjen e plotë të kësaj ngjarje.
Policia Shkodër/Informacion paraprak
Në orët e para të mëngjesit, në lagjen "Partizani", Shkodër, në automjetin e shtetasit A. B., 37 vjeç, i parkuar në rrugën "Martin Camaj", është vendosur dyshohet lëndë plasëse tek goma e parë e automjetit, i cili është dëmtuar pjesërisht.
Grupi hetimor nën drejtimin e Prokurorisë po kryen veprimet për sqarimin e rrethanave, identifikimin dhe kapjen e autorit/eve.
