VIDEO/ Cristiano Ronaldo i papërmbajtshëm, shënon 2 gola në fitoren e Al Nassr

Nga OraNews Përditësimi i fundit 21 Janar 2025, 19:04

Një dygolësh i sulmuesit portugez, Cristiano Ronaldo, i dha Al Nassr-it një fitore 3-1 në transfertë kundër Al Khaleej në një ndeshje të Saudi Pro League këtë të martën.

Fitorja e Al Nassr-it u lehtësua nga një karton i kuq në pjesën e parë për mbrojtësin e Al Khaleej, Saeed Al Hamsal, kur ndeshja ishte pa gola.

Ronaldo hapi rezultatin në minutën e 65-të me një gjuajtje të zbehtë nga jashtë zone, e cila përfundoi në këndin e poshtëm.

Por, Al Khaleej reagoi menjëherë përmes Kostas Fortounis, i cili realizoi një penallti të fituar pas një prekjeje të topit me dorë.

I motivuar, Al Nassr riktheu epërsinë brenda pak minutash përmes mbrojtësit të krahut, Sultan Al-Ghannam, i cili realizoi nga një distancë e afërt.

Në momentet e fundit të lojës, Ronaldo vulosi fitoren me një goditje të lehtë pas një pasimi të dhënë  Saad Hussain Haqawi.

Fitorja e ngjiti Al Nassr-in në vendin e tretë në renditje, ndërsa Al Khaleej mbetet në vendin e tetë.