Aksident i rëndë në Bulqizë/ Makina bie në greminë, humb jetën shoferi, plagosen dy pasagjerët
Nga OraNews Përditësimi i fundit 22 Nëntor 2024, 16:31
Një aksident i rëndë është shënuar pasditen e sotme në aksin rrugor Ura e Çerenecit-Librazhd, ku një makinë tip furistradë ka dalë nga rruga, duke rënë në greminë dhe për pasojë ka humbur jetën drejtuesi i mjetit si dhe janë plagosur dy pasagjerë.
Sipas policisë lokale të Bulqizës bëjnë me dije se aksidenti fillimisht është pikasur nga drejtues të tjerë të automjeteve të cilët kanë lajmëruar policinë dhe ambulancë.
Ndërkohë policia dhe ambulanca të cilët kanë arritur në vendngjarje kanë bërë të mundur transportimin e sy të plagosurve drejt spitalit të Bulqizës ku ndodhen jashtë rrezikut për jetën. Policia dhe grupi hetimor kanë nisur hetimet rreth shkaqeve të aksidentit!
Njoftimi i policisë:
Bulqizë/Informacion paraprak
Rreth orës 15:00, në aksin rrugor Ura e Çerenecit - Ostren, shtetasi K.B., rreth 63 vjeç, duke drejtuar automjetin e tij, ka humbur kontrollin dhe automjeti ka dalë nga rruga dhe për pasojë 63-vjecari, ka humbur jetën.
Grupi hetimor po punon për sqarimin e rrethanave të kësaj ngjarjeje.
