Trajneri italian ngre në piedestal futbollistin kuqezi, të shndërruar në lider tashmë!
Nga OraNews Përditësimi i fundit 4 Nëntor 2024, 06:16
Pas fitores 1-0 të ndeshjes në shtëpi ndaj Sudtirolit, trajneri Michele Mignani foli në konferencën për shtyp në Cesena, duke u shprehur i kënaqur për tri pikët, pa harruar të përmendë sulmuesin shqiptar, Cristian Shpendi.
“Është ndeshja më e pastër që kemi luajtur. Ne gjetëm një ekip shumë fizik, të fortë për kategorinë, me lojtarë ekspertë dhe ishte ndeshja në të cilën rrezikuam më pak dhe me durim arritëm të shënonim atë gol që na dha fitoren përfundimtare. Kjo ishte ndeshja në të cilën kishim më shumë ekuilibër, ku kishte pjekuri në fushë nga lojtarët, duke lejuar pak kundërsulme.
Ajo që më pëlqeu gjithashtu ishte fakti që kur kaluam në avantazh, vazhduam ta menaxhonim topin me personalitet, përveç minutave të fundit, kur gjithsesi rrezikuam pak. Më pëlqeu shumë skuadra, djemtë bënë një hap më tej në rritje dhe për mua kjo ishte fitorja më e pastër”.
Më pas, momenti për të folur për Shpendin, i cili është golashënuesi më i mirë i Serisë B. “Shpendi është një djalë që ka vlera të qarta dhe perspektiva të qarta. Cilësia e tij më e mirë është përulësia dhe vlerat njerëzore dhe ai e nis prej andej. Ai ka një botë përpara, duhet të vazhdojë të punojë duke përdorur karakteristikat e tij për t'i shërbyer ekipit. Unë jam i lumtur me të ashtu si jam me të gjithë të tjerët në ekip”.
