Jola Hysaj: E paprecedentë që forcat e ndërhyrjes së shpejtë të rrethojnë opozitën, ku janë Ambasadat?
Nga OraNews Përditësimi i fundit 17 Tetor 2024, 13:36
Anëtarja e Kryesisë së Partisë Demokratike dhe njëherësh Sekretare e Marrëdhënieve me Publikun në selinë blu, Jola Hysaj ka reaguar lidhur me ngjarjet e sotme në Kuvendin e Shqipërisë, të cilat kulmuan me incidentin me deputetin demokrat Luan Baçi.
“Në cilin vend të Europës ndodh që policia të futet në parlament?
Ky është Kapitulli i parë i nisjes së Negociatave për të qenë anëtarë të BE?
Kjo është situatë pa precedent që forcat e ndërhyrjes së shpejtë te rrethojnë opozitën, a kanë sy AMBASADAT DHE NDËRKOMBËTARËT të shohin çfarë po ndodh në Shqipëri?
Të ngresh dorë ndaj deputeteve të opozitës për të mbyllur gojën?
Të kërcënosh me armë në ambientin e punës se je opozitarë?
Të bësh terror ndaj qytetarëve dhe deputetëve se protestojnë për të drejtat e tyre?
Në çfarë Republike po jetojmë?”, shprehet Hysaj.
