Tentoi të kalonte kufirin me drogë me vete, vihet nën hetim 25-vjeçarja nga Kosova
Nga OraNews Përditësimi i fundit 25 Gusht 2024, 12:45
Policia ka vënë nën hetim një 25-vjeçare nga Kosova, e cila ka tentuar të kalojë kufirin me drogë me vete.
Siç bën me dije policia, në Pikën e Kalimit Kufitar Muriqan, gjatë procedurave të verifikimit dhe kontrollit në dalje nga territorit shqiptar, shërbimet e Policisë Kufitare i gjetën kësaj shtetaseje një sasi të vogël lënde e dyshuar narkotike e llojit kanabis e cila u sekuestrua në cilësinë e provës materiale.
“Sektori për Hetimin e Narkotikëve i DVP Shkodër referoi materialet në Prokurori, ku filloi procedimi penal për shtetasen kosovare G. G., 25 vjeçe, pasi: Në Pikën e Kalimit Kufitar Muriqan, gjatë procedurave të verifikimit dhe kontrollit në dalje nga territori i Republikës së Shqipërisë, shërbimet e Policisë Kufitare i gjetën kësaj shtetaseje një sasi të vogël lënde e dyshuar narkotike e llojit kanabis e cila u sekuestrua në cilësinë e provës materiale”, njofton policia.
