Aksident në Shkodër, plagoset 7-vjeçari
Nga OraNews Përditësimi i fundit 26 Korrik 2024, 11:27
Një i mitur ka mbetur i plagosur pas një aksidenti mes dy makinash në Shkodër.
Ngjarja ka ndodhur rreth orës 10:00, në rrugën “Lin Delija”, ku automjeti me drejtues shtetasin P. Gj. është përplasur me automjetin me drejtuese shtetasen M. C.
Si pasojë është dëmtuar një 7-vjeçar, pasagjer në automjetin e shtetases M. C., i cili është dërguar për mjekim në spital dhe është jashtë rrezikut për jetën.
