FOTO/ Pushuesi ecën i zhveshur rrugëve të resortit të mbushur me familjarë

Nga OraNews Përditësimi i fundit 9 Korrik 2024, 15:24

Një pushues është fotografuar i zhveshur komplet në njërin nga resortet turistikë të Jugut, duke shkaktuar shqetësim te banorët e vilave dhe apartamenteve.

Ngjarja e pazakontë ka ndodhur sot paradite në njërin prej resorteve në jug të vendit, kur burri ka hequr të gjitha rrobat, duke ecuar në këmbë në vijën e dytë të vilave, pa e vrarë mendjen se ishte në një zonë të mbipopulluar në këto ditë të nxehta korriku.

Pamja është publikuar nga portali i TPZ.al nga një pushuese, e cila tha se skenën e kanë parë dhjetra familjarë me fëmijët e mitur. 

Rasti i sotëm në jug të vendit është i dyti i raportuar pak muaj më parë kur një turist i huaj po ecte në afërsi të bashkisë së Durrësit i zhveshur dhe vetëm me çantën mbi shpinë, ndërsa pamjet e turisteve që bëjnë plazh topless me plazhet e mbushur me familjarë janë bërë të zakonshme dhe askush nuk i ndalon.