Nisma e FSHF-së, njohja e të rinjve me historinë e futbollit shqiptar
Nga OraNews Përditësimi i fundit 15 Maj 2024, 16:14
Federata Shqiptare e Futbollit ka ndërmarrë një nismë që ka si qëllim njohjen e të rinjve me historinë e futbollit shqiptar.
Në kuadër të kësaj, FSHF do të mirëpresë të gjithë të interesuarit në ambientet e “Shtëpisë së Futbollit” për të zhvilluar një vizitë në muzeun.
Aty ku të rinjtë do të njihen me datat, momentet historike dhe figurat e futbollit shqiptar.
Së fundmi muzeun e FSHF-së e vizituan disa studentë të Kolegjit Universitar “Qiriazi”.
Pjesë e “Edukimit Fizik dhe Sporteve” në këtë universitet.
Studentët u mirëpritën nga pjesëtare të stafit të FSHF-së.
Ata u njohën me historinë e futbollit shqiptar.
Nëpërmjet objekteve, relikeve dhe fotove të momenteve historike për një periudhë më shumë se njëshekullore.
Një eksperiencë unike për të gjithë të rinjtë.
Të cilët mund të vijnë e të vizitojnë ambientet e muzeut të FSHF-së, për t’u njohur me historinë dhe legjendat e futbollit shqiptar ndër vite.
Të gjithë të interesuarit që dëshirojnë të vizitojnë muzeun e FSHF-së, mund të dërgojnë kërkesën e tyre në adresën e email-it [email protected].
