Klubi i Premier League kërkon Ernest Muçin, Besiktas refuzon 20 milionë euro
Nga OraNews Përditësimi i fundit 14 Maj 2024, 19:39
Aston Villa nuk heq dorë nga Ernest Muçi.
Pasi një javë më parë Besiktas refuzoi 15 milionë eurot e ofruara për shqiptarin, klubi nga Birminghami ka rritur oferën me pesë milionë euro.
Në Stamboll i kanë thënë sërish "jo" 20 milionëve, ndërsa më herët kanë kërkuar një shumë më të lartë (25 milionë euro) për 23-vjeçarin e kombëtares shqiptare.
Besiktas e afroi Muçin vetëm në shkurtin e këtij viti për 8+2 milionë euro nga Legia e Varshavës, me djaloshin kuqezi që është kthyer në idhullin e klubit buzë Bosforit.
Interesi i Aston Villas është shtuar së fundmi, teksa anglezët janë pranë realizimit të ëndrrës për të qenë pjesë e grupeve të Champions League sezonin e ri.
