VIDEO/ Taulant Seferi shkëlqen në Emiratet e Bashkuara, shënon golin e 11-të sezonal, jep edhe asist

Nga OraNews Përditësimi i fundit 14 Maj 2024, 18:29

Sulmuesi i Kombëtares, Taulant Seferi ka shënuar golin e 11-të sezonal, teksa ka dhuruar edhe asist për Bani Yas në ligën e futbollit të Emirateve të Bashkuara.

Ekipi i tij barazoi 2-2 kundër Al Bataeh për javën e 23-të, me Seferin që bëri protagonistin.

Ekipi i sulmuesit nga Kumanova pësoi dy gola në pjesën e parë, teksa në fraksionin e dytë gjithçka u rihap nga sulmuesi kuqezi.

Në minutën e 57-të, Seferi kërceu mbi të gjithë dhe shfrytëzoi një krosim për të shënuar golin e parë.

Më pas, pas vetëm pesë minutave ai asistoi për Niakate dhe rezultati u barazua në 2-2.

Duket se Seferi është në formë dhe pritet që të marrë një ftesë nga Sylvinho.