EMRI/ I dënuar me burgim të përjetshëm, transferohet në regjimin '41 biss'
Nga Edison Vatnikaj Përditësimi i fundit 9 Maj 2024, 20:58
Një i dënuar me burg përjetë është izoluar në regjimin e posaçëm “41 bis”.
Bëhet fjalë për Nikolin Topallin i dënuar për vrasje me dashje në rrethana cilësuese.
Nikolin Topalli u shpall fajtor për vrasjen e Gjok Ndoc Ndreka, 37 vjeç, banues në fshatin Gramsh.
Ngjarja ndodhi në vitin 2001 për motive pronësie, ku mbeti i plagosur dhe vëllai i viktimës.
Topalli u shpall fajtor për veprën penale “Vrasje me dashje në rrethana cilësuese; Armëmbajtje pa leje” parashikuar sipas neni. 79/dh,278/2 të Kodit Penal.
Në regjimin e posaçëm “41-bis” futen të dënuar të cilët përbëjnë rrezikshmëri.
Atyre u ndalohet çfarëdolloj komunikimi me botën jashtë qelisë.
I fundit që hyri në qelitë e 41 Bis ishte Erion Veizi i dënuar për vrasjen e efektivit, Azem Meshini dhe një tjetër personi në Tiranë.
