VIDEO/ Leverkusen fiton ndaj Freiburg dhe afrohet gjithnjë e më shumë me titullin
Nga OraNews Përditësimi i fundit 17 Mars 2024, 21:20
Bayer Leverkusen merr një tjetër fitore që e afron me titullin kampion. “Aspiinat” triumfuan 2-3 në transfertën ndaj Freiburgut dhe të ruajë distancën prej 10 pikësh ndaj Bayernit në renditje.
Skuadra e Xabi Alonsos kur kanë mbetur edhe 8 javë për t’u luajtur, kryeson renditjen me 70 pikë, 10 më shumë se bavarezët e vendit të dytë.
“Aspirinat” e nisën vrullshëm dhe gjetën golin e avantazhit me anë të Florian Wirtz që në minutën e dytë, ndërsa Freiburg u përgjigj në minutën e 10 me Doan, duke rikthyer baraspeshën.
Leverkusen vijoi dominimin dhe shënoi edhe dy herë të tjera me anë të Hlozek në të 40-ën dhe Schick në të 53-tën, për të dyfishuar avantazhin. Freiburg rihapi edhe njëherë ndeshjen me anë të Keitel në të 79-ën, por asgjë nuk ndryshoi deri në fund.
