Zelenski kërkon më shumë armë: Putini duhet të humbasë! Rama: Ukraina më afër Evropës
Nga OraNews Përditësimi i fundit 28 Shkurt 2024, 16:11
Me veshjen tipike të të qenurit në gatishmëri, presidenti i Ukrainës priti së bashku me Ramën pjesëmarrësit në samitin e Tiranës.
Në tryezë kërkoi rritje të bashkëpunimit për prodhimin e armëve.
“Jermi të interesuar në bashkëprodhimin e armëve me ju.”
Madje Zelenski apelon për një tjetër samit për këtë qëllim.
“Ne propozojmë që të organizohet një forum i posaçëm për industrinë e mbrojtjes.”
Beteja me Rusinë tha ai është për të lejuar shtetet të vendosin.
“Është një përpjekje që diktatet e vjetra të lënë të vendosin kombet e vjetra dhe Putinit ë humbasë.”
Por nuk harroi të kujtonte as rolin e BE-së.
“Tani po përcaktohet rrugëtimi që do të ndjekë Evropa për brezat e ardhshme.”
Nga ana e tij kryeministri Edi Rama kërkoi që dialogu në Ballkan të mos bazohet te e shkuara.
“Pavarësisht asaj që nuk biem dakord, duhet të shohim përpara se sa ta shohim pas me historitë që na kanë mbajtur peng.”
Beteja e Rusisë sipas tij tregon se çfarë mund të sjellë bashkimi edhe përball një fuqie.
“Putini donte ta fshinte Ukrainën nga harta për çështje dite, por sot ajo është e ankoruar më shumë se kurrë në Evropë.”
Ndërsa sulmin ndaj Kievit e shikon si një ëndërr të së shkuarës.
“Është një ëndërr e shkuar perandorake.”
Rama apeloi vendet pjesëmarrëse të vazhdojnë mbështetjen si një kontribut për të mbrojtur demokracinë.
