Ligji për zonat e mbrojtura, reagon BE: Do të ndjekim me vëmendje zbatimin e dispozitave të reja ligjore
Nga Mola Luku Përditësimi i fundit 22 Shkurt 2024, 11:49
Delegacioni i Bashkimit Evropian në Tiranë reagoi sot për miratimin në Kuvend të ligjit për zonat e mbrojtura.
Delegacioni i BE thekson se, “rruga e Shqipërisë drejt anëtarësimit në Bashkimin Evropian është e qartë.
Ajo kërkon përpjekje të vazhdueshme nga qeveria dhe parlamenti për të siguruar që legjislacioni shqiptar të përafrohet me standardet evropiane”.
“Në kuadrin e negociatave të anëtarësimit, miratimi i ligjeve mbi çështje që mbulohen nga legjislacioni i BE-së presupozon konsultim publik të mirëfilltë dhe gjithëpërfshirës, si dhe një proces të parashikueshëm dhe transparent”, shton Delegacioni i BE.
Delegacioni i BE-së bën të ditur se, do të ndjekë me shumë vëmendje zbatimin e dispozitave të reja ligjore për zonat e mbrojtura, sipas kuadrit ligjor të BE-së për mbrojtjen e mjedisit dhe angazhimet ndërkombëtare të Shqipërisë.
Albania’s path towards joining the European Union is clear. It requires sustained efforts by the government and the parliament to ensure that Albanian legislation converges towards European standards. 1/3
— EU in Albania (@EUinAlbania) February 22, 2024
