VIDEO/ Manaj gol me peshë, shënon dhe i jep skuadrës së tij kualifikimin në Kupën e Turqisë

Nga OraNews Përditësimi i fundit 18 Janar 2024, 13:25

Rey Manaj vazhdon të jetë vendimtar me gola për skuadrën e tij në Turqi.

Sulmuesi i Kombëtares shqiptare shënoi edhe në Kupë, gol që rezultoi vendimtar, pasi kualifikoi Sivasporin në 1/8 finale.

Manaj u aktivizua në minutën e 60-të dhe në të 81-ën realizoi me një gjuajtje nga jashtë zone.

Ishte ky gol që i dha fitoren 3-2 skuadrës së tij, që avanacon më tej në Kupë.

Manaj po kalon një formë të shkëlqyer, teksa ky ishte goli i katërt në Kupë, ndërsa në 8 raste ka festuar dhe në kampionat.

Forma e tij e mirë ka vënë në siklet edhe trajnerin Sylvinho për ta rithirur në ekipin kombëtar.