Zbulohet pseudonimi nënçmues i Simeones për argjentinasin

Nga OraNews Përditësimi i fundit 17 Dhjetor 2023, 16:54

Trajneri i Atletico Madridit, Diego Simeone, duket se ka adoptuar një pseudonim të veçantë për Lionel Messin gjatë kohës së argjentinasit te Barcelona.

Diego Simeone doli kundër Lionel Messit në disa raste gjatë kohës së argjentinasit në Barcelonë, gjë që bëri që trajneri i Atleticos të vinte një pseudonim për reprezentuesin argjentinas. Ish-mbrojtësi i Atletit, Filipe Luis ka treguar se si Xolo bëri gjithçka për të ndaluar yllin e Barçës dhe se si i quajti sulmuesit në dhomën e zhveshjes së Atletico.

Në veçanti, ai tha për Marca: “Tek Atletico, Simeone i vuri katër lojtarë Messit! Pra, kur ai shënoi, nuk ishte faji i një lojtari, por vetëm i Messit. P

ara ndeshjeve të Barcelonës, Simeone nuk e përdori kurrë emrin e tij. Gjithmonë e thërriste “xhuxhi”, që kur të ishim përballë, të mos kishim frikë prej tij.

Përpjekjet e Simeone për të ndaluar Messin ishin shpesh të kota pasi ylli argjentinas shënoi 32 gola në 42 ndeshje kundër Atletico-s, duke e kthyer skuadrën madrilene në një nga ‘viktimat’ e tij të preferuara.

Sigurisht, vlen të theksohet se para një ndeshjeje të Atléticos kundër Valencias këtë vit, për ndeshjen e 4-të të La Liga-s, trajneri i “rojiblancos” Diego Simeone është pyetur se kush mendon se është lojtari më i mirë në botë për momentin. , dhe ai u përgjigj pa hezitim: Lionel Messi.