Ish-lojtarit të Interit i grabisin shtëpinë, nëna e tij ndodhej brenda
Nga OraNews Përditësimi i fundit 17 Dhjetor 2023, 11:22
Momente paniku për Keita Balde.
Ish-sulmuesi i Interit, këtë sezon po luan në La Liga 2 tek Espanyoli.
Aty ku është huazuar nga rusët e Spartakut të Moskës.
Shtëpia e senegalezit është grabitur nga tre hajdutë me kapuçë, ndërkohë që brenda ndodhej nëna e 28-vjeçarit.
E cila ka përfunduar e kyçur në një dhomë nga grabitësit sipas raportimeve të shtypit spanjoll.
Ndërkohë që këta të fundit kanë sharruar kasafortën.
Dhe më pas u arratisën pasi morën shumë sende me vlerë brenda saj, duke përfshirë edhe disa orë luksoze.
Nëna e tmerruar lajmëroi menjëherë policinë.
Që ka nisur menjëherë hetime, ndërkohë që bëhet e ditur se dyshimet e para shkojnë për një bandë nga Europa Lindore.
E specializuar në grabitjet e vilave dhe shtëpive private.
