E thërriste “xhuxhi”, zbulohet mënyra se si Simeone u hiqte lojtarëve frikën kur kishin përballë Messin
Nga OraNews Përditësimi i fundit 16 Dhjetor 2023, 21:25
Diego Simeone vlerësohet si një nga trajnerët më të mirë në qarkullim në futbollin botëror dhe sidomos një nga motivuesit më të mirë.
Trajneri argjentinas i Altetiko Madrid, në një kampionat ku kishte përballë yjet e Realit dhe Barcelonës, kishte gjetur një mënyrë origjinale për të bërë më pak ”të frikshëm” Lionel Mesin.
Zbulimin e ka bërë Filipe Luis, ish-futbollisti i cili i dha lamtumirën këtij sporti pak ditë më parë dhe i cili ka qenë një nga emrat më të besuar të Simeones për shumë vite.
“Kur luanim kundër Barcelonës, Simeone nuk e përmendte kurrë emrin Mesi. Ishte një mënyrë për të mos trembur lojtarët.
Nuk thoshte asnjëherë Mesi, por i referohej atij duke e thirrur “Xhuxhi”.
Leo është padyshim futbollisti më i mirë me të cilin jam përballur në një fushë futbolli.
Për ta markuar, duhet të qëndrosh shumë i përqendruar. Unë kam parë praktikisht çdo ndeshje që ai ka luajtur nga vitit 2006, deri në vitin 2016. Ishte një i çmendur në fushë”, tregoi ish-mbrojtësi i Atletiiko Madrid.
