Sarandë/ U aksidentua dhe u largua nga vendngjarja, procedohet në gjendje të lirë punonjësi i FRONTEX
Nga OraNews Përditësimi i fundit 29 Nëntor 2023, 14:55
Një 34 vjeçar është arrestuar pasi gjatë një konflikti për motive të dobëta ka goditur me grusht një 63 vjeçar si dhe ka kundërshtuar punonjësit e policisë. Ndërsa një punonjës i FRONTEX ka humbur drejtimin e mjetit dhe ka shkaktuar aksident por më pas nuk ka pritur policinë. dhe është larguar nga vendngjarja. Nga aksidenti ka pasur vetëm dëme materiali, ndërsa punonjësi i FRONTEX që në atë moment ka qenë jashtë shërbimit është proceduar në gjendje të lirë
Njoftimi i policisë Vlorë:
DVP Vlorë
Specialistët për Hetimin e Krimeve të Komisariatit të Policisë Sarandë arrestuan në flagrancë shtetasin E. K., 34 vjeç, banues në Sarandë, pasi gjatë një konflikti për motive të dobëta, ka goditur me grusht, shtetasin B. O., 63 vjeç, si dhe ka kundërshtuar punonjësit e Policisë, për shoqërimin në komisariat.
Specialistët e Qarkullimit Rrugor të DVP Vlorë arrestuan në flagrancë shtetasin A. Ç., 34 vjeç, pasi u kap duke drejtuar automjetin, në gjendje të dehur.
Specialistët e Qarkullimit Rrugor të Komisariatit të Policisë Sarandë referuan materialet në Prokurori, ku nisi procedimi në gjëndje të lirë, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”, për shtetasin L. D., 35 vjeç, banues në Rumani (punonjës i shërbimeve të FRONTEX, jashtë shërbimit), pasi gjatë orëve të para të mëngjesit të sotëm, në aksin rrugor Gajdar-Shijan, ky shtetas ka humbur kontrollin mbi drejtimin e automjetit dhe si pasojë, automjeti ka dalë nga rruga.
Nga aksidenti janë shkaktuar vetëm dëme materiale. Gjithashtu, 35-vjeçari nuk ka pritur shërbimet e qarkullimit rrugor, për kryerjen e veprimeve procedurale, por është larguar nga vendi i aksidentit.
Materialet procedurale i kaluan prokurorive përkatëse, për veprime të mëtejshme.
