Lushnje/ 60-vjeçari denoncon në polici: Një shtetase i mori para gruas me pretendimin se do t’i parashikonte fatin
Nga OraNews Përditësimi i fundit 23 Nëntor 2023, 14:03
Një 60 vjeçar në Lushnje ka denoncuar në polici një grua me pretendimin se ka mashtruar gruan e tij duke i marrë një shumë të konsiderueshme. Ngjarja ka ndodhur në fshatin Zhamë.
“Në Komisariatin e Policisë Lushnjë ka bërë kallëzim 60 vjeç, banues në fshatin Zhamë, se në banesën e tyre, një shtetase ka mashtruar bashkëshorten e tij dhe i marrë një shumë parash, me pretendimin se do t’i parashikonte fatin.
Po punohet për identifikimin dhe për kapjen e kësaj shtetaseje.
Materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme”, njofton policia.
