Dhuna në shoqëri, Pampuri: Nuk duhet vendosur totalisht faji tek familja, ka një model tek të rinjë që s'na pëlqen
Nga Lili Saraçi Përditësimi i fundit 26 Tetor 2023, 11:52
Deputetja dhe psikologja, Orjola Pampuri dhe aktivistja Suela Koçibellinj ishin të ftuara në studion e lajmeve të Ora News ku folën për rastin e përdhunimit të 26 vjeçares në Vlorë që tronditi opinionin publik dhe për rastet e dhunës në shoqëri. Pampuri u shpreh se nuk i duhet vendosur totalisht faji familjeve.
"Në fakt t'ja vejm totalisht fajin familjes nuk mundemi sepse e kemi thënë shpesh që ka një bashkëpunim në të gjitha fazat që në shkolla, parashkollori, e mesme, në universitet e të rinjëve e të tjera me radhë.
Sigurisht që ka një rol të rëndësishëm familja, por nuk mund të themi që e gjithë barra bie mbi familjen.
Kemi një model me të cilën po përballen të rinjtë sot.
Ka një model që nuk është vetëm shqiptar por është mbarëbotëror. Është një model që nuk na pëlqen dhe nuk është normal për shoqërinë tonë dhë nuk është normal për jetën në të cilën ne jetojmë", tha ndër të tjera Pampuri.
