Macron e njofton në sy të Ramës: Bllokim të procesit të liberalizimit të vizave për Kosovën, deri sa të njihet asociacioni. Vuçiç të dënojë 24 shtatorin
Nga OraNews Përditësimi i fundit 17 Tetor 2023, 12:21
Presidenti i Francës, Emmanuel Macron në konferencën për shtyp së bashku me kryeministrin Edi Rama, u pyet lidhur me qëndrimet e Francës, sa i përket pozicionimit të Vuçiç për tensionet në veri të Kosovës dhe po ashtu ngjarjen e 24 shtatorit.
Macron tha se është përgjegjësi e Vuçiç që të dënojë aktin e 24 shtatorit, ndërsa nga Kosova pret një riorganizim të zgjedhjeve në veri, pjesëmarrjen e serbëve në këto zgjedhje dhe njohjen e Asociacionit.
Presidenti i francez, bëri me dije se ka qenë pikërisht Franca ajo që ka pezulluar vizat e Kosovës, pasi sipas tij kjo e fundit nuk e mbajti fjalën e dhënë.
“Ne e ndjekim më shumë vigjilencë tensionet mes Prishtinës dhe Beogradit. Franca dhe Gjermania kanë bërë një propozim që mendoj se është i mirë dhe presim te respektohet nga të dyja palët.
Besoj se është përgjegjësi e Vuçiç që të dënojë aktin e 24 shtatorit.
Ajo cka presim nga autoritetet kosovare dhe serbe është e thjeshtë, riorganizim i zgjedhjeve në veri, pjesëmarrjen e serbëve në këto zgjedhje dhe njohjen e Asociacionit nga autoritet kosovare, plotësisht dhe totalisht. Pres që Vucic të jetë përgjegjës, pres të njëjtën gjë edhe nga presidentja dhe kryeministri Kosovar.
E them me shumë qartësi ne ju kemi besuar për çështjen e vizave, çështja është pezulluar nga Franca sepse ka të bëjë më respektimin e fjalës së dhënë dhe fjala nuk po mbahet. Pres të angazhohen të dyja palët që të ecin përpara në javët e ardhshme. Është kushti i paqes në të gjithë zonën” u shpreh Macron.
Edhe kryeministri Rama u shpreh në një linjë me presidentin francez
“Sot Kosova është futur vetë në një kurth që ia ka bërë vetes, por nuk ka qenë kurrë më mirë.
Do të ishte dramatike nëse do humbiste një të drejtë më në fund të fituar për të lëvizur lirisht në BE. Dramatike.
Ndërkohë, të dyja palët kanë një plan, që është plani franko-gjerman, që është gjëja më e mirë që mund t’i ndodhë Kosovës. Më e mira e mundshme,” theksoi Rama.
