Mitsotakis nga Tirana: Beleri duhet të betohet, shpresoj ta zgjidhim çështjen në mënyrë miqësore
Nga OraNews Përditësimi i fundit 16 Tetor 2023, 16:10
Kryeministri grek Kyriakos Mitsotakis, pasi u takua me homologun e tij, Edi Rama, u ndal në një prononcim për mediat.
Ai tha se do të flasë me Ramën për t’i kërkuar betimin e Belerit si kryebashkiak i Himarës.
“Po do ta diskutoj me kryeministrin Rama çështjen e Fredi Belerit. Qëndrimi ynë këtë çështje ka qenë shumë i qartë.
Nuk kam ndërmend të ndërhyj në çështjet e drejtësisë shqiptare, por Fredi Beleri ka të drejtën të betohen ndonëse ndodhet në paraburgim dhe këtë do ta bëj shumë të qartë.
Dhe shpresoj shumë që ta zgjidhim këtë çështje në mënyrë miqësore”, tha Mitsotakis.
Mitsotakis merr pjesë në samit për Procesin e Berlinit, që po mbahet në Tiranë.
