Grabitet biznesi në rrugën “Myslym Shyri”, autori mori paratë dhe u largua
Nga Edison Vatnikaj Përditësimi i fundit 10 Tetor 2023, 21:52
Në rrugën "Myslym Shyri" është vjedhur një dyqan Vodafone. Një person ka hyrë brenda ka bërë sikur ka futur dorën në brez për të nxjerr pistoletën dhe i ka marrë shitëses së dyqani xhiron ditore në vlerën rreth 400 mijë lekë të vjetra dhe eshte larguar. Ora news ka siguruar pamjet ekskluzive te autorit ku shihet qarte se ai mban nje kapele ne koke per te mos u dalluar nga kamerat e biznesit dhe me nje bluze te kuqe.
Njoftimi i policisë Tiranë:
Tiranë/Informacion paraprak
Më datë 10.10.2023, rreth orës 20:35, në rrugën “Myslym Shyri”, një shtetas ende i paidentifikuar, veshur me kostum të kuq dhe me kapele, dyshohet se nën kërcënimin e një sendi në dukje armë zjarri, ka vjedhur një shumë parash në një biznes, dhe më pas është larguar.
Grupi hetimor ndodhet në vendngjarje dhe po punon për identifikimin dhe kapjen e autorit.
