Shkëputet ashensori në një pallat tek ish-Fusha e Aviacionit, vdes 58-vjeçari
Nga OraNews Përditësimi i fundit 8 Tetor 2023, 13:37
Një 58 vjeçar ka gjetur vdekjen paraditën e sotme tek ish-Fusha e Aviacionit pasi ashensori ka rënë nga kati i parë në katin minus. Si pasojë ka ndërruar jetë 58 vjeçari që ndodhej në ashensor. Për 58 vjeçarin, familjarët kishin bërë kallëzom në polici ditën e djeshme se nuk ishte kthyer në banesë.
Njoftimi i policisë Tiranë:
Tiranë/Informacion paraprak
Më datë 08.10.2023, rreth orës 11:30, te ish-Fusha e Aviacionit, dyshohet se si rezultat i një defekti, ka rënë nga kati i parë, në katin minus një, ashensori i një pallati në ndërtim e sipër.
Si pasojë ka ndërruar jetë shtetasi T. M., 58 vjeç, për të cilin kanë kallëzuar familjarët, se ditën e djeshme nuk është kthyer në banesë.
Grupi hetimor po punon për zbardhjen e rrethanave të ngjarjes.
