Kuvendi sot në seancë, Bardhi kërkesë Nikollës: Komisioni i reformës zgjedhore të futet në rendin e ditës
Nga Isa Myzyraj Përditësimi i fundit 21 Shtator 2023, 09:06
Kuvendi i Shqipërisë mblidhet këtë të enjte për të mbajtur senacën e radhës plenare, një seancë në të cilën kryeministri Edi Rama nuk do jetë i pranish, për shkak të angazhimit të tij në SHBA.
Pak orë para nisjes së seancës kryetari i Grupit Parlamentar të Partisë Demoktratike, Gazmend Bardhi i është drejtuar me një kërkesë kryetares së Kuvendit, për të futur në rendin e ditës ndryshimin e përbërjes së Komisionit Parlamentar për reformën zgjedhore.
Në kërkesën dorëzuar Lindita Nikollit, Gazmend Bardhi argumenton se ndryshimi i përbërjes së komisionit vjen si domosdoshmëri, pasi në përbërje ka emra të cilët e kanë dorëzuar mandatin e deputetit me shumë se një vit më parë. Gjithashtu, ai thotë se puna në atë komision ka qenë joefiçiente.
"Për një vit e gjashtë muaj, janë zhvilluar vetëm dy mbledhje, duke bllokuar çuarjen përpara të kësaj reforme të rëndësishme për vendin.”
Gazmend Bardhi propozon bashkëkryetar të komisionit për reformën zgjedhore, Oerd Bylykbashin, ndersa si anëtarë deputetët Dhurata Çupi, Dashnor Sula, Ervin Saljanji, Lindita Metaliaj, Tomor Alizoti, Fatmir Mediu, Shpetim Idrizi dhe Petrit Vasili.
