FSHF, Disiplina i rikthen Bruno Lulajn Tiranës

Nga OraNews Përditësimi i fundit 14 Shtator 2023, 13:22

FSHF, Disiplina i rikthen Bruno Lulajn Tiranës
Mbrojtësi i Tiranës, Bruno Lulaj, i dënuar me 6 ndeshje pas ngjarjeve të sezonit të kaluar në Rrogozhinë për ndeshjen me Bylisin, mund të rikthehet në dispozicion të trajnerit Orges Shehi. Vendimi është marrë nga Komisioni i Disiplinës dhe Etikës në FSHF që thekson:

Pasi u njoh me relacionin e Sekretariatit Teknik, shqyrtoi dokumentacionin e paraqitur dhe diskutoi çështjet në tërësi duke u bazuar edhe në nenet 76 e vijues të KDS,

VENDOSI:

1. Pranimin e kërkesës së KF Tirana për konvertimin të pjesës së mbetur të dënimit për lojtarin Bruno Lulaj në bazë të nenit 75 të KDS.

Kundër vendimit lejohet ankim brenda 3 (tre) ditëve përpara Komisionit të Apelit.