Strategjia e Pogba për t’i shpëtuar dënimit për doping
Nga OraNews Përditësimi i fundit 14 Shtator 2023, 08:29
Paul Pogba nuk ka bërë asnjë reagim publik pasi rezultoi pozitiv me doping por mesfushori francez ka një plan të qartë për të justifikuar praninë e testosteronit në trupin e tij pas analizës që u krye në fund të ndeshjes Udinese-Juventus.
Fillimisht ai mund të kërkojë kundër-analizën por ky vendim nuk është marrë sepse strategjia është që ai të shpjegojë në Gjykatën Kombëtare Antidoping se e ka marrë këtë substancë pa dijeninë e tij dhe nëpërmjet ushqimeve apo integruesve të ndryshëm.
Agjentija e tij Rafaela Pimenta ka deklaruar se lojtari nuk ka dashur në asnjë rast të shkelë rregullat. Sipas mediave, Pogba pretendon se e ka marrë integruesin me përmbajtje testosteroni në SHBA dhe nëse pranohet nga gjykata, atëherë dënimi mund të ulet nga 4 në 2 vjet.
