KQZ regjistron koalicionin "Bashkë Fitojmë" për zgjedhjet e Kukësit
Nga OraNews Përditësimi i fundit 7 Shtator 2023, 17:50
Komisioni Qendror i Zgjedhjeve me anë të n jë mbledhjeje ditën e sotme ka regjistruar koalicionin Bashkë Fitojmë mes Partisë së Lirisë dhe Partisë Demokristiane për zgjedhjet e pjesshme në bashkinë e Kukësit.
Celibashi ka njoftuar se regjistrimi i koalicionit do të bëhet bashkë me Partinë e Lirisë dhe Partinë Demokristiane.
Sakaq, kandidati i koalicionit do të jetë Emri Vata, i dal nga procesi i primareve të mbajtur nga Rithemelimi në Kukës disa ditë më parë.
KAS ka rrëzuar kërkesën e Rithemelimit për garimin e kandidatit të saj nën siglën e PD-së, gjë që do e bëjë kandidati i Partisë Demokratike zyrtare.
Kujtojmë se në 27 gusht janë mbajtur “Primaret” për zgjedhjen e kandidatit që do të garojë në zgjedhjet për Bashkinë e Kukësit nga radhët e grupit të “Rithemelimit” në PD.
Këto zgjedhje që do të mbahen në 24 shtator, vijnë pas skandalit seksual të ish-kryebashkiakut socialist, Safet Gjicit.
Gara brenda demokratëve është zhvilluar mes kandidatëve Ardian Elezi, Emri Vata, Gezim Shehu dhe Ylber Zeneli.
Fituesi i zgjedhjeve për primaret mbajtur nga ‘Rithemelimi’ është shpallur Emri Vata me 271 vota.
Numri i votuesve pjesëmarrës është 860. Në primaret e vitit 2022 numri i pjesëmarrësve ishte rreth 940 votues.
