Vrau motrën me thikë, zbardhet dëshmia e autores së dyshuar: Amanda ishte e alkoolizuar, veprova për vetëmbrojtje
Nga OraNews Përditësimi i fundit 3 Shtator 2023, 09:42
Marsela Pushani ka dëshmuar se nuk ka dashur ta vrasë të motrën, por ka vepruar në kushtet e vetëmbrojtjes. Sipas saj, e motra prej më shumë se 10 vitesh ishte e alkoolizuar dhe problematike.
Dy motrat jetonin në të njëjtën banesë bashkë me të ëmën. Mëngjesin e djeshëm, sipas Marselës, dy motrat kanë pasur debat të vazhdueshëm pasi i kërkonin që të linte alkoolin.
Fillimisht Amanda ka marrë thikën dhe ka kërcënuar të motrën dhe nënën e saj se do t’i vriste. Marsela ka treguar më tej se situata është tensionuar dhe ka vepruar në kushtet e vetëmbrojtjes. E arrestuara është me profesion mësuese.
