Goditje në orët e fundit të merkatos, talenti anglez i akuzuar për dhunë pranon ofertën e modestëve spanjollë

Nga OraNews Përditësimi i fundit 2 Shtator 2023, 07:40

Goditje në orët e fundit të merkatos, talenti anglez i akuzuar
Largohet nga Manchester United si kriminel, pritet në Spanjë si personalitet. Mason Greenwood transferohet te Getafe në orët e fundit të merkatos së verës duke mbyllur një kapitull shumë të vështirë të jetës së tij.

Talenti 21-vjeçar që u shkarkua nga Manchester United për shkak të akuzave të rënda për dhunë ndaj të dashurës, bashkohet me modestët e Getafes në formë huazimi. Klubi iberik e ka huazuar dhe do të paguajë një pjesë të rrogës së sulmuesit.

Greenwood nuk është i dënuar në Angli pasi pak javë më parë denoncuesja e tërhoqi akuzën por ky veprim nuk e bindi Man. United ta mbante lojtarin në skuadër. E ndërkohë që klubi njoftoi mbërritjen e tij, një grup tifozësh nisën festën jashtë stadiumit që ndodhet në periferi të Madridit.