Rrëzohet avioni rus, humb jetën Shefi i Wagner-it, Yevgeny Prigozhin dhe 9 persona të tjerë (Video)

Nga OraNews Përditësimi i fundit 23 Gusht 2023, 19:19

Shefi i Wagner Yevgeny Prigozhin ishte në listën e pasagjerëve të një avioni që u rrëzua në Rusi, duke vrarë të 10 personat në bord. Besohet se ai ishte në bordin e avionit dhe ka mbetur i vdekur. 

Më herët, një kanal Telegram i lidhur me Wagner-in, Gray Zone, raportoi se avioni u rrëzua nga mbrojtja ajrore në rajonin Tver, në veri të Moskës.

Të 10 personat në aeroplan, përfshirë tre anëtarë të ekuipazhit, vdiqën në përplasje, tha ministria e urgjencës e Rusisë , sipas lajmeve shtetërore RIA Novosti.

Ndërsa Autoriteti i Aviacionit Civil Rus thuhet se tha se Yevgeny Prigozhin ishte në listën e pasagjerëve të anijes duke përdorur RA-02795 si numrin e saj të bishtit.

Prigozhin udhëhoqi një rebelim të dështuar kundër forcave të armatosura ruse në qershor.