Ky është njeriu më i pasur në vendin më të varfër të botës!
Nga OraNews Përditësimi i fundit 7 Gusht 2023, 10:18
Me një popullsi prej 16 milionë banorësh, Malavi është pa dalje në det në rajonin juglindor të kontinentit afrikan.
Ai konsiderohet nga të gjithë indekset ndërkombëtare si kombi më i varfër në botë me një GDP 226 dollarë për frymë.
Por si është të jesh njeriu më i pasur në vendin më të varfër të planetit?
Njihuni me Shepherd Bushirin, një televangjelist, pronar mediash dhe pronar tokash bujqësore.
Profeti i vetëshpallur vlerësohet të ketë një vlerë neto prej 150 milionë dollarësh, kur bashkatdhetarët e tij do të duhej të jetonin gati 6 milionë vjet për të fituar atë lloj parash!
Profeti fantastik, i cili përmendet si “Majori 1” i Papës në ciklet e krishtera, bleu tre avionë brenda një hapësire dyvjeçare.
Pasi bleu avionin e tretë një ‘Gulf Stream III’ me vlerë 37 milionë dollarë më 6 janar, ai tha për shtypin:
“Unë jam një njeri i Zotit. Besoj se duhet të jetoj me shembull. Unë mësoj fjalën që forcon besimin e të gjithëve.
Unë mund t’i bëj të gjitha gjërat me anë të Krishtit që më forcon. Unë jam duke e bërë atë tani. Unë jam ajo që thotë Zoti se jam dhe jo si më gjykojnë të tjerët”.
Por “Profeti” duhet të ketë humbur pasazhin në Bibël ku Krishti i thotë të pasurit të japë të gjithë pasurinë e tij dhe ta ndjekë Atë…
