Java e ardhshme sjell ndryshim të motit, çfarë ndodh me temperaturat
Nga OraNews Përditësimi i fundit 6 Gusht 2023, 21:28
Mos i ndërprisni pushimet për shkak të motit. Stuhia dyditore mbi territorin e Shqipërisë kaloi.
Sinoptikanët thonë se temperaturat do të rriten sërish. E hëna e 7 gushtit nis me mot të kthjellët në të gjithë vendin.
Ndërsa i nxehti pritet të rikthehet në mes të javës, ku termometri do të shënojë 36 gradë Celsius.
Për meteorologët këto stuhi janë afatshkurtra dhe tipike të stinës për rajonin e Mesdheut.
Situata sinoptike që përfshiu vendin nuk është e ngjashme me stuhitë në Europën Qendrore.
Në gjysmën veriore të Europës do të vijojë moti i paqëndrueshëm me stuhi ciklonare të shpeshta.
