Real Madrid blindon Vinicius me pagën faraonike, braziliani barazon Halaand
Nga OraNews Përditësimi i fundit 19 Maj 2023, 09:01
Vinicius Jnr. do të nënshkruajë një kontratë milionere në fund të këtij sezoni për t’u bërë një nga lojtarët më të paguar të kontinentit.
Real Madrid i ka ofruar rreth 23 milionë euro në sezon, shumë që e përfiton edhe Halaand aktualisht te Man. City dhe në këtë mënyrë, dy sezonet e fundit të brazilianit në nivele shumë të larta, shpërblehen nga klubi “Los Blancos” që kërkon ta zgjasë kontratën deri në vitin 2027.
Vinicius ka shënuar 45 gola në dy sezonet e fundit, përfshirë edhe atë të finales së vitit të kaluar në UEFA Champions League kundër Liverpool që i dhuroi skuadrës spanjolle trofeun e 14 për një tjetër rekord historik. Në këtë mënyrë, paga e tij do të trefishohet ndërsa me kontratën e re, Vinicius do të parakalojë edhe dy yjet e skuadrës, Benzema dhe Kroos.
