Policia mendoi se i kishin prerë kokën, djali vret me pushkë gjuetie nënën, e lë në makinë te varrezat
Nga OraNews Përditësimi i fundit 4 Prill 2023, 17:17
Një 71-vjeçare u ekzekutua me plumb në kokë mëngjesin e kësaj të marte. Ajo u gjet e pajetë në një makinë në zonën e Kalqedonit, në Greqi.
Sipas policisë, autori i ngjarjes është identifikuar djali i saj 34 vjeç. I riu raportohet se vuan nga probleme psikologjike dhe thuhet se e konsideronte nënën përgjegjëse për vdekjen e babait të tij.
Gruaja ishte e njohur për autoritetet. Ajo kishte precedentë për raste droge dhe madje ishte burgosur dhe liruar.
Viktima u gjet brenda një automjeti të bardhë, e ulur në sediljen e pasagjerit, pas godinës së Drejtorisë së Bujqësisë, pranë varrezave.
Automjeti është pikasur nga një punonjës i Departamentit të Bujqësisë rreth orës 7:45 të mëngjesit.
Autori i dyshuar i krimit
Ai ka njoftuar policinë kur ka parë makinën e braktisur pasi siç vëren ai, në atë vend lihen herë pas here automjete të vjedhura.
Viktima është qëlluar me pushkë gjuetie në një distancë kaq të afërt, saqë kafka i është bërë pluhur.
Në fakt, kur policia e pa trupin për herë të parë, mendoi se i ishte prerë koka. Arma e krimit është gjetur në shtëpinë e djalit të saj.
Policia vijon kontrollet për kapjen e autorit.
