Përplasen "kokë më kokë" dy automjete në aksin Berat-Dimal, ka të plagosur

Nga OraNews Përditësimi i fundit 27 Mars 2023, 22:54

Një aksident i rëndë ka ndodhur në  aksin nacional Berat-Dimal, në vendin e quajtur “Ura e Moravës”.

Dy mjete janë përplasur fuqishëm ballazi me njëra-tjetrën, ku njëra nga mjetet ka përfunduar në anë të barrierës duke rrezikuar të përfundonte në kanalin e mbushur me ujë.

Mjeti tip BMW, me targa AA 810 HL ishte duke qarkulluar nga Dimali për Berat dhe mjeti tjetër tip Wolsvagen, me targa 991 EN ka qenë duke qarkulluar në krah të kundërt, nga Berati në drejtim të Dimalit.

Si pasojë e aksidentit janë plagosur të dy drejtuesit e mjeteve, të cilët janë transportuar me urgjencë drejt Spitalit Rajonal të Beratit, ku ndodhen me plagë të shumta nën kujdesin e mjekëve.

Në vendngjarje kanë mbërritur forca të shumta policie,që janë duke kryer edhe kqyrjen e vendit të ngjarjes.

Burimet e para policore në vendngjarje pohojnë per mediat se shkak për aksidentin mendohet të kenë qenë mungesa e ndriçimit dhe lagështira në rrugë,kjo e fundit mendohet të ketë sjellë rrëshkitjen e të dy mjeteve gjatë frenimit në kthesë dhe përplasjen e tyre.