"Nëna me qira" Në SHBA kompania ofron katalog online për të përzgjedhur tiparet e fëmijës

Nga OraNews Përditësimi i fundit 27 Mars 2023, 12:32

Surrogacia në SHBA është jo vetëm e ligjshme, por asnjëherë nuk ka qenë tabu.

Këtë e demonstron shërbimi i fundit i sponsorizuar nga një agjenci e njohur Kaliforniane e cila u ofron prindërve të ardhshëm, të përcaktuar si "prindër të qëllimshëm" mundësinë e zgjedhjes së përkatësisë etnike, ngjyrës së syve dhe flokëve, gjatësisë së donatorëve të gatshëm për të ofruar vezët e tyre për shtatzëninë.

"Nëse jeni një prind i ardhshëm që kërkon një dhurues veze dhe/ose një nënë zëvendësuese për të ndihmuar në plotësimin e familjes tuaj - lexoni faqen kryesore - klikoni më poshtë për t'u regjistruar për të parë donatorët dhe zëvendësuesit tanë të disponueshëm," njofton kompania.

Agjencia në fjalë është “Extraordinary Conceptions”. Sipas rikonstruksionit të Il Messaggero (i cili me reporterët e tij pretendonte të ishte çift për të përjetuar procesin) gjithçka është shumë e thjeshtë dhe e shpejtë.

Ju regjistroheni duke plotësuar formularët online dhe më pas ju kontaktohet nga një person kontaktues, i cili kështu u shpjegon prindërve që synojnë se çfarë të bëjnë.

"Agjencia jonë krenohet me më shumë se tre mijë donatorë - thotë një menaxher i agjencisë - Për fëmijën tuaj të ardhshëm ju mund të zgjidhni ngjyrën e flokëve, syve, lëkurës; ne madje mund t'ju ndihmojmë të parashikoni qëndrimet e fëmijës suaj: databaza jonë përfshin informacione në lidhje me personalitetin e donatorit tonë. Nëse jeni duke kërkuar për një donator që pëlqen të qeshë, i jep përparësi arsimit ose ka një aftësi muzikore.

Extraordinary Conceptions ndodhet në San Diego dhe e zbaton këtë teknikë që nga viti 2005.

Kompania organizon periodikisht turne në Itali. Të paktën një herë në vit, kryesisht takime sekrete në hotele luksoze me pesë yje pranë Stacionit Termini për të shpjeguar se çfarë shërbimesh ofron. 

Agjencia e saj ofron paketën e plotë: vizita te mjeku, marrjen e mostrave të spermës, testet e fertilitetit, klinikat e donatorëve të vezëve të kompletuara me dosje dhe në fund nënat zëvendësuese.