Futbolli i shëmtuar i Ballshit. Lojtarët kacafyten me njëri-tjetrin, fëmijët shajnë me fjalor banal (VIDEO)
Nga OraNews Përditësimi i fundit 5 Mars 2023, 15:33
Sherr masiv mes lojtarëve në fund të ndeshjes së Ballshit mes Bylisit dhe Erzenit. Në “Adush Muça”, protagonistët e fushës së blertë “veshën dorezat” duke u përleshur mes tyre.
Një situatë tërësisht kaotike që ka ndezur kaosin në fushën e blertë.
Të gjithë kundër të gjithëve, skena aspak të denja për një ndeshje futbolli ku dhuna e Superiores është zhvendosur nga shkallët në fushën e lojës.
Nga videot, dëgjoihen qartë edhe zëra fëmijësh që shajnë me fjalor banal kundërshtarët.
Ndërkohë, policisë që ka ndërhyrë, i janë dashur disa minuta për të ndarë lojtarët nga njëri-tjetri.
Përsa i përket futbollit të luajtur, ndeshja u mbyll në barazim. Në minutën e 62 Esquerdinha zhbllokoi rezultatin për vendasit ndërsa miqtë barazuan me Kahrimanovic nga pika e bardhë 4 minuta nga fundi.
Ndërkohë, ndeshja u ndez në fund. Fillimisht Mehmeti u largua nga fusha e lojës me ambulancë për shkak të përplasjes së dhunshme me Lajthinë ndërsa në kohën shtesë pati përplasje të ndryshme mes lojtarëve në fushën e lojës.
