Presidenti iranian fajëson armiqtë e vendit për helmimin masiv të vajzave
Nga OraNews Përditësimi i fundit 3 Mars 2023, 16:48
Presidenti i Iranit Ibrahim Raishi ka fajësuar armiqtë e Republikës Islamike për helmimet masive në shkollat e vajzave në të gjithë vendin, pasi OKB-ja bëri thirrje për një "hetim transparent" për rastin.
Helmimet e pashpjegueshme deri më tani të më shumë se 30 shkollave në të paktën katër qytete filluan në nëntor në qytetin e shenjtë mysliman shiit të Qom, duke nxitur disa prindër që t'i nxjerrin fëmijët e tyre nga shkolla.
Ministri i Shëndetësisë i Iranit tha të martën se qindra vajza në shkolla të ndryshme janë helmuar dhe disa politikanë kanë argumentuar se vajzat mund të jenë në shënjestër të grupeve fetare që kundërshtojnë arsimimin e vajzave. Ai tha gjithashtu se helmi nuk është i llojit ushtarak dhe se është bërë me materiale të disponueshme në treg. Nuk është regjistruar asnjë vdekje, por në disa raste është kërkuar shtrimi në spital ose ka simptoma që vazhdojnë për një kohë të gjatë.
Raishi, duke folur para një turme në Iranin jugor të premten në një fjalim të transmetuar drejtpërdrejt në televizionin shtetëror, fajësoi armiqtë e Iranit për helmimet. “Ky është një plan për të shkaktuar kaos në vend, pasi armiku kërkon të fusë frikë dhe pasiguri te prindërit dhe nxënësit”, tha ai.
Ai nuk tha se cilët janë ata armiq, megjithëse udhëheqësit iranianë fajësojnë në mënyrë rutinore SHBA-në dhe Izraelin, ndër të tjera, për veprime armiqësore kundër Teheranit.
Në një zhvillim të veçantë, një zyrtar i lartë iranian tha se një cisternë karburanti e gjetur pranë një shkolle në një periferi të Teheranit, e cila ishte vërejtur gjithashtu në dy qytete të tjera, mund të ishte përfshirë në helmimet.
Autoritetet kapën cisternë dhe arrestuan shoferin e saj, tha për agjencinë gjysmë zyrtare të lajmeve Tasnim, Reza Karimi Saleh, zëvendës guvernator i periferisë Pardis.
Ai është zyrtari i parë qeveritar që raporton një arrestim në lidhje me zbavitjen e helmimeve.
Sipas tij, e njëjta cisternë ishte gjetur edhe në Qom dhe Boruzerd të provincës Lorestan në Iranin perëndimor, ku u helmuan edhe studentë. Ai nuk dha detaje të tjera.
