“Hakmarrje politike ndaj Tropojës?”/ Juristja Vatoçi: Të rishikohet harta gjyqësore, qytetarët e kanë të pamundur të marrin drejtësi
Nga OraNews Përditësimi i fundit 2 Mars 2023, 09:34
Harta e re gjyqësore që ka nisur zbatimin e saj rej muajit shkurt ka shkaktuar probleme madhore tek qytetarët, kryesisht të zonave të thella për marrjen e shërbimit të sistemit të drejtësisë në vend.
Juristja Eva Vatoçi e ftuar në emisionin “Ditë e Re” në RTV Ora denoncoi problematikat që ka shkaktuar tranferimi i proceseve gjyqësore dhe të gjykatave nga qyteti i Bajram Currit drejt Kukësit.
Çdo institucion, tha ajo, është zhvendosur drejt Kukësit dhe në Tropojë kanë mbetur vetëm 3 institucione.
Gjatë bisedës vatoçi u shpreh se nuk do që ta besojë se kjo që iu bë Tropojës është një hakmarrje për shkaqe politike, pasi njerëzve atje kjo hartë gjyqësore u ka shkaktuar një padrejtësi të madhe, pasi nuk kanë mundësi të kenë alkses në shërbimet që ofron në praktikë një sistem drejtësie.
“Nuk dua të them apo ta besoj që kjo është një hakmarrje ndaj popullit të Tropojës. Sepse atje njerëzit vuajnë shërbimet shëndetësore dhe mjekësore, pasi kanë probleme me identifikimin e pacientëve dhe ardhjen në kohë të ambulancave në kohë për shpëtimin e jetëve në raste kur kanë nevojë. Po ashtu ka probleme me arsimin, ku shkollat janë larg dhe frekuentimi i tyre është i vështirë për shkak të mungesës së ifrastrukturës, gjë që ka ndikuar direkt edhe në shpopullimin e zonave.
Ka probleme të infrastrukturës rrugore nëTropojë. Nuk ka një rrugë të vetme që e lidh Tropojën me Tiranën, por duhet të kalojnë nga Kosova për të ardhur në Tiranë. Ka një aks rrugor përmes Hasit dhe Kukësit që është e parehabilituar.
Nga dogana e Kosovës deri në qytetin e Bajram Currit është një rrugë që përshkruhet për 1 orë e 40 minuta. Që nuk ka asnjë llogjikë kohore sa i përket një distance prej 50 kilometrash.
Tropoja ka pasur problemet e veta sa i përket dosjeve penale në Tropojë për shkak të përplasjeve të shumta të grupeve. Është një vend që është përdorur shumë nga politika, nga të dyja kampet.
Mallkimi i Tropojës ëstë i vetëm që ai që e ka lënë Tropojën në këtë situatë dhe vazhdon ta thellojë edhe më shumë jetesën në atë qytet të gjejë mallkimet e të gjithë qytetarëve të atij vendi,
Bekimi i tropojës është jo vetëm natyra e mrekullueshme, por edhe njerëzit e saj. Pasi Tropoja është një zonë që ka prodhuar vazhdimisht figura të rëndësishme historike që kanë qenë krenari për gjithë Shqipërinë.
Në shkurt është tranferuar Gjykata e Apelit, ndërsa prej dy muajsh janë transferuar edhe aty të Shkallës së parë.
Problematika të shumta shfaqin çështjet penale të dhunës në familje. Një viktimë e dhunës në familje nuk e ka të sigurtë siguriminb e mbrojtjes, ndërsa kostoja financiare e ndjekjes së një çështjeje nga ana e të interesuarve e bën thuajse të pamundur ndjekjen në Gjykatë. Edhe më e rëndë bëhet edhe për shkak të udhëtimit, pasi duhen shumë orë që dikush që ka nevojë për një deklaratë mbrojtjeje. Dhe për përfitimin e saj duhen minimumi katër seanca për një gjë të tillë. Pra është tejet e vështirë.
Qytetarët e Tropojës janë ende në kohë që të bëhen bashkë për të bërë presionin e tyre pozitiv përmes shkresave duke nisur që nga Kryeministri i vendit për të kërkuar rishikimin e hartës së re gjyqësore. I drejtohem të gjithë përfaqësuesve që nga deputeti, kryebashkiaku dhe kushdo që ka një post të bëjnë një punë ndryshe dhe të kërkojnë me forcë të drejtën e tyre, duke iu drejtuar Gjykatës Kushtetuese, Qeverisë, KLP, KLGJ dhe çdo institucioni që ka në dorë rishikimin e kësaj harte”, deklaroi juristja Eva Vatoçi.
