Raporti i Departamentit Amerikan të Energjisë: Ndoshta Covid-19 ka lindur nga një rrjedhje laboratori
Nga OraNews Përditësimi i fundit 26 Shkurt 2023, 22:34
Pandemia Covid ka shumë të ngjarë të lindi nga një rrjedhje laboratorike. Ky është përfundimi i një raporti të Departamentit Amerikan të Energjisë, e raportuar nga Wall Street Journal.
Më parë, departamenti tha se ishte e pasigurt se si ishte zhvilluar virusi. Edhe FBI-ja ka pohuar gjithmonë se Covid ishte rezultat i një aksidenti në laboratorin Wuhan në Kinë.
Konkluzioni, sipas një raporti të fshehtë të inteligjencës të ofruar së fundmi në Shtëpinë e Bardhë dhe anëtarëve të zgjedhur të Kongresit, përmbahet në një përditësim të një dokumenti të vitit 2021 nga Zyra e Drejtorit të Inteligjencës Kombëtare Avril Haines.
Sipas burimeve të inteligjencës amerikane të intervistuara nga Wall Street Journal, pozicioni i departamentit ndryshoi pasi dolën "informacione të reja të inteligjencës, studime kërkimore dhe konsultime me ekspertë joqeveritare".
Përfundimet, megjithatë, u pasuan nga një sqarim i kujdesshëm nga administrata Biden.
"Për momentin nuk ka asnjë përgjigje përfundimtare për origjinën e Covid”, tha Këshilltari i Sigurisë Kombëtare Jake Sullivan në një intervistë për CNN.
