Vuçiç: Do të jemi nën presion të madh në Bruksel
Nga OraNews Përditësimi i fundit 22 Shkurt 2023, 20:23
Presidenti serb Aleksandar Vuçiç tha sonte se situata në të cilën ndodhet Beogradi nuk është e thjeshtë dhe se ai do të jetë i ekspozuar ndaj presionit të madh në Bruksel më 27 shkurt.
"E gjithë kjo është një shfaqje në të cilën presioni në fund është mbi ne. Por nuk është hera e parë, as në histori dhe as në 10, 11 vitet e fundit," u tha Vuçiç gazetarëve në Panairin e Turizmit.
I pyetur për të komentuar deklaratën e të dërguarit të BE-së për dialogun me Prishtinën, Miroslav Lajçak, se një listë e kërkesave të paplotësuara nga viti 2013 i është dorëzuar Beogradit dhe Prishtinës, Vuçiq është përgjigjur se thelbi është gjithmonë në Bashkimin e Komunave Serbe.
“Ai nuk ma tha këtë, por mendoj se do të marr diçka para të hënës. Ata duan të thonë se sektori i energjisë ende nuk ka përfunduar, por ka problem edhe me licencat për të drejtat e shpërndarjes. Por të gjithë e dinë se thelbi është Bashkimi i Komunave Serbe. Ose do të vazhdoni të zgjidhni çështjen ZSO, ose faleminderit. Dhe kaq”, tha Vuçiç.
Vuçiq vuri në dukje se nesër është një ditë e madhe për Serbinë, sepse po hapet fabrika e re Kontinental, eksportet e së cilës do të kalojnë një miliard euro.
“Ky është një lajm i mirë për ne, dhe sa i përket presionit politik ndaj Serbisë, ne duhet të ruajmë paqen, të jemi të gatshëm për kompromise dhe të mos ia japim Serbinë askujt”, tha Vuçiç.
